會員特區
主頁賽程事件簿賽後報告球員表現出席詳情陣容現金結存財政報告獎項相簿影片廊球場會員須知天氣連結留言板波經聯絡我們

賽後報告 (2002/03 年度球季)

[2003-05-10(Sa) CSD 1:1 CPAST]
[2003-04-21(Mo) Ricci 0:3 CPAST] [2003-04-16(We) KCC 1:1 CPAST]
[2003-04-04(Fr) CPAST 0:0 NCE] [2003-03-30(Su) Poly Old Boys 0:2 CPAST]
[2003-03-23(Su) CPAST 1:0 Fortress] [2003-03-09(Su) CPAST 6:0 E-Tai]
[2003-03-02(Su) CPAST 6(1:1)7 Notton] [2003-02-23(Su) CPAST 0:4 Poly Old Boys]
[2003-02-08(Sa) CPAST 2:1 Ricci] [2003-01-26(Su) Ching Fung 0:1 CPAST]
[2003-01-11(Sa) CPAST 2:0 Thunder Dragon] [2002-12-29(Su) CPAST 2:0 SFC]
[2002-12-22(Su) CPAST 1:0 KCC] [2002-12-14(Sa) CPAST 1:1 CSD]
[2002-12-06(Fr) NCE 1:1 CPAST] [2002-11-23(Sa) CPAST 3:0 Nott's Utd]
[2002-11-08(Fr) CPAST 1:0 DIY] [2002-11-03(Su) E-Tai 0:3 CPAST]
[2002-10-27(Su) Fortress 0:1 CPAST] [2002-10-20(Su) CPAST 2:0 GreenFuture]
[2002-10-14(Mo) DIY 1:2 CPAST] [2002-09-29(Su) CPAST 2:2 Ching Fung]

Match : CSD 1:1 CPAST(HLL-Wk12)
日期 : 2003-05-10(六)
開波 : 19:00pm
球場 : 掃桿埔足球場
球衣 : 紅

CPAST 1 ( Van仔 上半場21分鐘 ); 懲教署 1 (下半場25分鐘) .

上半場

(21')

下半場
下半場 (50')
('50) in

<=('68)

CPAST 今仗面對失分相同但少踢 2 場之 懲教署 , 甫開賽 , 大家已於中場進行激烈爭奪 , 因此有威脅之攻門欠奉 . 15 分鐘 , CPAST 右路一次美妙o既三角短傳 , 先由 Van仔 於中場邊線彈前 Joe , Joe 回傳 大蛇 再第一時間傳交沿右路 Overlap o既 亞清 , 亞清 於邊線推至大禁區角傳中 , Joe 在對方守衛力壓之下雙雙漏頂 , 大蛇 追至遠柱回後 亞基 , 亞基 左腳第一時間笠射 , 但被門將眉頂單手托出底線角球 ; 左路角球 大蛇 右腳內彎直射 , 可惜被對方守衛白界前頂出 . 至 21 分鐘 , 大蛇 中路接應後場長傳控定後即斜線妙傳右路空位 Van仔 , Van仔 把握對方裝越位失敗單刀推入禁區 , 於門將出迎之際射遠柱 , 皮球中柱於白界線上滾動 , 對方守衛趕至欲解圍 , 可惜連人帶波一齊入網 , CPAST 1-0 領先 . 28 分鐘 , CPAST 幾可拉開紀錄 , 當時 大蛇 中路欲直線傳交 Joe , 但被守衛攔到後對方中場又誤頂番轉頭落回 Joe 腳下 , Joe 被 3 名守衛力纏下仍能推入禁區內至 16 碼點單對單面對門將起腳 , 可惜中門將右腳彈出 . 32 分鐘 , Van仔 右路底線傳中 Joe 於禁區內欲倒掛但乏力 , 對方守衛頭鎚頂橫不遠 , 大蛇 快步入禁區快對方守衛半步心口壓前 , 可惜皮球彈向左邊小禁區角 , 大蛇 拗腰左腳抽射可惜越眉高出 . 半場 CPAST 領先1-0 .

下半場 CPAST 放緩攻勢 , 懲教署 由於落後一球所以較為主動 , 但受制於 CPAST 一眾出色之守衛 , 始終冇真正威脅 何B 之攻門 . 反而 CPAST 於 6 分鐘一次反擊差 d 有收穫 . 當時 CPAST 一記長傳至 對方後場 , 亞文 追近至大禁區角但對方守衛已先到一步 , 對方守衛跳起頂波 , 亞文 在旁睇o住 , 大蛇 正欲開口叫 亞文 迫緊 d 個後衛之際 , 個守衛因為撻頭頂唔走個波又驚被 亞文 楔前偷o左個波 , 竟然申右手於禁區內拍個波 , 球証此時第一時間鳴雞並向 12 碼點走去 , 此時犯手球之球員冇聲出 , 而對方另 3 名守衛即走向球証大聲叫佢問旁証究竟入o左禁區未 , 球証此時已跑到娥媚月被對方 3 名守衛圍o住 , 跟o住佢停步 , 然後佢向橫走向旁証方向 , 但走到大禁區角停下 , 話係 亞文 推人在先 , 所以吹罰 CPAST !! 天呀 ! 咩球証o黎嫁 !!! 直至完場前 10 分鐘 , 對方左路角球開出至遠柱 , 對方球員於禁區外追回個波再用左腳內彎 Send 去遠柱 , 眼看皮球於遠柱出底線之際 , 對方球員高速趕至於小禁區邊底線對出 2 個波位起左腳抽射 , 皮球竟於門柱與 何B 手邊之空隙應聲入網 , 懲教署 追平 1-1. 至完場前 2 分鐘 , CPAST 再得全取 3 分機會 , 當時 Joe 於左路發難 , 擺脫對方 2 名守衛推入禁區 , 見對方門將出迎即橫傳地波至遠柱無人看管 亞棟 , 亞棟於 6 碼點第一時間掃把腳射空門但竟射高 , 最終 CPAST 慘遭 懲教署 迫和 1-1 , 痛失 2 分 .

領隊大蛇 : 「 今仗痛失 2 分實在可惜 , 對方追平一球真係神乎其技 , 當時我眼見個波彎向底線出界 , 而 Ricky 後面又明顯冇人 , 所以我提佢叫佢「由得佢」, 但就因為咁被對方一個難以至信o既零度射門入o左 , 我自己真係要負上責任 ! 不過今場波最關鍵係o個球 Hand-Ball , 明明係 12 碼 , 亞文 完全冇犯對方球員 , 球証o既判決真係「不可思議」! 而呢個球証正係上次吹 KCC o個場波o個個 . 唉 , 可能前世欠o左佢嫁啦 !! 對o住 d 咁o既球証 , 只可以同佢講 : 「願主祝福您 , 打救您 , 亞門 !」 而家要得冠軍唯有聽天由命啦 ! 」

撰文 : 大蛇

[Top]


Match : Ricci 0:3 CPAST(HLL-Wk4)
日期 : 2003-04-21(一)
開波 : 11:00am
球場 : 跑馬地運動場#2
球衣 : 白

CPAST 3 ( 大蛇 上半場19分鐘 ; 亞清 上半場34分鐘 ; 亞棟 下半場9分鐘 ); 勵志 0 ;

上半場

(34')

(19')

下半場

(44')
下半場 (45')
('45) in

CPAST 面對下游球隊 勵志 未有鬆懈 , 甫開賽即主動搶攻 , 2 分鐘出現第一次機會 , 亞宏 於左路禁區邊地波傳中 , Joe 在對手力壓下回傳後上 大蛇 於禁區頂偏左起腳施射可惜高出 . 10 分鐘 , 大蛇 前場左路三閘線見對方想裝越位即直線剌入對方心臟 , 亞宏 後上快對方門將一步推前 , 於窄角度下射空門但被對方回防守衛於近柱封出底線 . 到 19 分鐘 , CPAST 一輪圍攻下 Ricky 右路助攻推落底線出波 , 對方門將守近柱但阻不了皮球 , 大蛇 門前 6 碼快對方 2 名守衛半步申左腳篤入空門 , CPAST 打開缺口 1-0 領先 . 24 分鐘 , Joe 接應 亞清 直線右路力放落底 , 於底線前回傳後上大禁區角 大蛇 , 大蛇 第一時間撞射割草式地波遠柱斜出 . 28 分鐘 , 亞清 右路角球開出 , 中路一輪混戰 , 亞生 快對方門將一步背向龍門頂後 , 可惜被對方守衛於眉底救空門頂出 , 阻止了 亞生 本季第一個入球 . 完半場前 1 分鐘 , 大蛇 中線左路大斜線放個波至右路大禁區角 , 亞清 乘對方門將與守衛誤會楔前快腳一篤皮球慢慢滾向空門 , 眼看 (場邊觀眾) 皮球將於遠柱貼柱出界 , 但由於球場地面凹凸 , 就在門前皮球突然改變方向 (可能中石仔或草頭) 走進網仔 , CPAST 2-0 領先上半場 .

下半場 CPAST 放緩攻勢 , 而 勵志 亦較上半場積極 , 雙方中場爭奪居多 . 至 9 分鐘 , 亞棟 接應 Van仔 右路角球 中路 10 碼點無人看管頂入成 3-0 . 完場前 亞華 於右路截得對方守衛腳下球大禁區角快射 , 可惜被對方門將封近柱橫身撲出 . 結果完場 CPAST 輕鬆勝 3-0 .

領隊大蛇 : 「 今仗戰果令人滿意 , 但可能天氣一下子轉熱令部份球員適應唔到而表現走樣 , 不過我相信大家對冠軍o既渴望 , 好快又可重拾佳態 !!」

撰文 : 大蛇

[Top]


Match : KCC 1:1 CPAST(HLL-Wk21)
日期 : 2003-04-16(三)
開波 : 9:00pm
球場 : 高士威運動場
球衣 : 紅

CPAST 1 ( 大蛇 下半場16分鐘 ); KCC 1 (上半場17分鐘);

上半場

下半場

<=(56')

(57')

(51')

(53')=>

(43')
下半場 (60')
(60') in

正如賽前 大蛇 叮囑球員 , 雖然 KCC 多賽 1 場但比 CPAST 只少 3 分 , 如果 KCC 贏就可追至同分 , 所以 KCC 這場波一定有所準備並會拼盡全力 . 甫開賽不足 1 分鐘 , CPAST 幾可打開紀錄 , 當時 Andy 接應後場長傳突破越位單刀 , 於禁區內乘門將出迎笠射 , 但欠力度笠唔過被沒收 . KCC 大軍一如以往打法 , 防線壓得好上 , 加上硬朗攔截 , 同球証o既一面倒支持 , 將 CPAST 壓於後場 , 但有威脅之攻門不多 . 至 11 分鐘 , CPAST 第二次黃金機會 , 當時 大蛇 中路欲彈前俾 Andy , 但被攔歪彈至禁區頂 , 亞宏 快對方門將及後衛一步偷得皮球再橫傳左路殺上 Alex , Alex 左腳射空門但中網側 . KCC 大難不死 , 17 分鐘憑一次角球先開紀錄 ; 當時 KCC 右路開出內彎球至近柱 , KCC 前鋒楔前 5 碼點「扇」入 , KCC 1-0 領先 . 至 26 分鐘 , CPAST 再有單刀機會 , 當時 Ricky 後場地波傳交 大蛇 , 大蛇 於中線前巧妙地故意漏過 , Joe 後上突破越位單刀 , 欠速度o既 Joe 力放 30 碼入禁區 , 正想起腳前被對方後防趕至食位 , 皮球被門將沒收 , 但 KCC 回防之球員自己收唔住制隻腳掃到自己門將塊面 , 事後佢自己唔認數 , 仲想屈 Joe 話佢唔收腳 , 嘩 , 咩人o黎o家 , 自己做完又唔認 , 真可恥 !! 完半場 , CPAST 落後 0-1 .

下半場 CPAST 為收復失地亦將防線壓上同 KCC 搏鎚 . 但由於 KCC 踼法硬朗 , 再加上手執「雞毛」, 呀唔係 , 應該係「BB雞」, o既所謂球証對 KCC 所有犯規行為視若無睹 , 甚至 KCC 球員侵犯 CPAST 球員 , 到頭來竟吹罰 CPAST ! 唉 , 天理何在 !! 佢酣住個 BB , 你又吹佢唔脹 , 佢就吹到你謝 . 因此下半場中場混戰居多 . 至 20 分鐘 , 由於 KCC 球員於中場太明顯頂波之前推人 (其實之前已不下 10 次有同樣犯規 , 但球証係第一次吹罰 , 因為 CPAST 已投訴了 10 次) , 球証吹罰 , CPAST 罰球由 九仔 左腳開至遠柱右路大禁區角內 , 大蛇 在無人看管下見對方門將企出o左半步 , 於離門 18 碼笠頂遠柱死角 , 對方門將只能目送皮球入網 , CPAST 追平 1-1 . 至完場前 3 分鐘 , CPAST 幾乎可以反勝 , 當時 亞棟 前場中路接應 亞宏 橫傳第一時間撞交右路後上 亞清 , 亞清 沿邊線快放落底線 , 大蛇 亞棟 亞宏 亞基 已伏兵門前 , 但 亞清 之傳中球過唁到 KCC 唯一守衛被解圍出底線 . 結果完場 KCC 1 CPAST 1 .

賽後球迷 Clara 以極高頻表示 : 「從未見過 d 人咁茅 ! 個球証離晒譜 , 偏幫到出晒面 !!」

領隊大蛇 : 「呢場波的確好難踢 , 雖然場地質素幾好 , 但 d 燈光好唔掂 ! 好似一般運動場只開普通照明俾人作緩跑一樣 , 球場中間真係暗得離譜 . 除此之外 , 我o地更要o係一個極惡劣o既環境下作賽 , 要 11 個對對方 12 個 , 因為球証都係穿白色波衫 . 我其實都唔想批評球証 , 不過今次真係離 x 晒譜 , 成場波我o地班球員就好似俾人強暴咁 , 如果自己打得唔好輸波 , 好似輸比 理工舊生 咁 , 冇問題 , 又或者對手同樣發揮出色而我o地失分 , 好似賽和 羅友 咁 , 一樣冇問題 , 但今次係o係完全唔公平o既情況下和波 , 真係好唔順氣 !! 不過賽事還未完結 , 任何事都可發生 , 我有信心我o地最終可得冠軍 !!」

撰文 : 大蛇

[Top]


Match : CPAST 0:0 NCE(HLL-Wk20)
日期 : 2003-04-04(五)
開波 : 9:00pm
球場 : 元朗大球場
球衣 : 紅

(10') 羅友 前鋒門前頂高 (15') 亞基 左路沉底傳中 (20') Joe 快腳射門中守衛心口
(25') 亞文 撞射高出 (26') 亞文 抽射斜出 (29') 羅友 射門中柱
(32') 大蛇 門前射中 羅友 門將 (40') 亞清 勁射被撲到中眉 (44') 大蛇 前柱接應 亞基 傳中射斜
(47') 大蛇 篤射中守門員腳彈橫 (50') 何B 飛身撲出中眉 (63') 對方守衛快 亞華 一步被解圍

CPAST 0 ; 羅友 0;

上半場

下半場

(55') =>
下半場 (60')
(60') in
(60') in

聯賽榜首之戰 , 賽前已可感受到大戰氣氛 , 雙方球員均一早到場熱身準備 . 今仗穿上主場紅色戰衣o既 CPAST 一開賽立即顯示其爭勝之決心 , 由中前場已開始其緊迫踢法 , 不斷向 羅友 施壓使其難以組織攻勢 , 開賽頭十分鐘雖然 CPAST 主導中場 , 但第一次有威脅攻門反而由 羅友 取得 . 10 分鐘 , 羅友 左路開出角至遠柱 , 羅友 前鋒門前 6 碼頭鎚頂高 . 及後 CPAST 攻勢開始入肉 . 15 分鐘 , 大蛇 中路斜直線傳交 亞基 , 亞基 沉底地波傳中 , Joe 及 亞文 已雙雙殺到 , 但仍被對方後衛快一步解圍 . 16 分鐘 , Joe 於右路禁區內欲傳交中路 大蛇 , 可惜大力o左小小 , 皮球略門而過 . 17 分鐘 , 九仔 半場對前左路開罰球入禁區 , 大蛇 搶點成功可惜頂斜 . 20 分鐘 , 大蛇 前場右路截得對方守衛腳下球推進至底線禁區邊傳中 , 但被對方回防守衛刪出底線角球 ; 角球 Van仔 開出至遠柱 , 亞清 頂至門前 , 大蛇 欲加一頭「扇」後但「扇」唔應 , Joe 後柱快對方門將一步施射卻中正對方門前守衛之心口彈橫再加腳解圍 , 最後禁區頂 Tommy 抽射斜出 . 25 分鐘 , 亞基 左路界外球傳交 大蛇 沉底 , 大蛇 轉身回傳中路後上 亞文 撞射高出 . 26 分鐘 , Tommy 中場攔截成功後 Joe 斜傳左路 亞基 落底線傳中 , 對方守衛頭鎚解圍 , 亞文 再一次禁區頂撞射可惜又斜出 . 27 分鐘 , 九仔 左路界外球傳交 Joe , Joe 大禁區角傳中 , Van仔 右路 cut 入中路 18 碼點起左腳射高 . 久攻不下 , 29 分鐘差點先失一球 , 當時 羅友 右路開出角球 , 一輪混戰 CPAST 仍未將皮球踢離危險範圍 , 羅友 球員把握機會禁區頂抽射但中龍門左邊柱彈出 . 大難不死 , CPAST 於完半場前機可打破困局 , 32 分鐘 Van仔 右路角球開出 , Joe 人堆中「扇」後 , 大蛇 遠柱小禁區角控定即快射 , 但竟中正對方門將被擋出 . 完半場 , 無紀錄 .

下半場形勢大致與上半場差不多 , CPAST 仍然取得中場優勢 . 1 分鐘 , Joe 直線交前 , 大蛇 入楔但對方門將快一步沒收 . 5 分鐘 , 大蛇 中場截得皮球沿左路推進 , 至禁區角傳交娥媚月頂 Joe , Joe 再橫傳右路空位 亞清 , 亞清 第一時間左腳抽射直飛網角但被對方門將撲到再中眉出底線 . 9 分鐘 , 亞基 左路攔截成功推落底線傳中 , 大蛇 近柱接應掃把腳射斜 . 12 分鐘 , 何B 龍門球大腳開出 , Joe 力壓對方 2 名守衛 , 皮球彈入中路 , 大蛇 快步追前篤射 , 可惜中出迎門將左腳彈橫 . 15 分鐘 , 羅友 今仗第二次黃金機會 , 當時 亞宏 於禁區內欲解圍但被截 , 對方 12 碼點後一步快腳施射 , 皮球直飛龍門右上角網頂 , 眼看必入之際帶傷上陣o既 何B 飛身右手單手撲高再中眉彈出 . 28 分鐘 , 大蛇 頂交右路 Ricky , Ricky 回傳 大蛇 沿右路推進再地波斜傳中路入楔 亞華 , 但對方守衛快一步解圍 . 最終雙方握手言和 , 於聯賽榜同積 40 分並列榜首 !!

領隊大蛇 : 「今仗延續上場對 理工舊生 o既緊迫踢法 , 基本上對方難以有效組織攻勢 . 不過話雖如此 , 對方中前場球員個人投術好 , 於全場比賽亦能取得兩次黃金機會 , 幸好我o地有個反應出奇快o既門將 何B 再加上有 d 運 , 所以力保不失 ! 但我o地又同時欠 d 運 , 以至三番四次未能將個波擺入網 ! 總括而言 , 今仗雙方快上快落 , 大家都想一舉將對方擊敗以增加奪標本錢 , 雖然大家都極想贏 , 極唔想輸 , 但雙方只全力踼好波 , 並冇過勇表現 , 呢點實在值得向所有球員致敬 ! 而我o地班球員之所以可於場內全場大奔走緊迫對手且踢得積極 , 場外一眾後備球員及家屬女友o既吶喊聲實在係動力之源 ! 佢o地雖然唔超過 10 個人 , 但吶喊聲就好似 奧脫福 6 萬觀眾咁勁 , 認真有 feel ! 真係多謝佢o地o既支持同投入 !!」

撰文 : 大蛇

[Top]


Match : Poly Old Boys 0:2 CPAST(HLL-Wk5)
日期 : 2003-03-30(日)
開波 : 1:30pm
球場 : 天水圍運動場
球衣 : 紅

九仔 中場攔截亞基 左路底線傳中大蛇 右路射門高出
亞文 禁區頂罰球擦柱出界亞文 射門高出大蛇 被對方2守衛苦纏
亞文射死角入網,終於打開紀錄大蛇 怒射被擋出,及後 亞基 補中成2-0Joe 錯失單刀機會

CPAST 2 ( 亞文 - 下半場9分鐘 ; 亞基 - 下半場18分鐘 ) ; 工舊生理 0;

上半場

19'

下半場

(44')
下半場 (50')

(56')=>

(53')
(50') in

CPAST 再戰一個月前曾大敗 0:4 之 理工舊生 , 甫開賽已顯示出強大o既爭勝心 , 將對方壓於後半場 , 不斷向佢o地施加壓力 . 5 分鐘 , 九仔 左路推進邊線傳中 , 大蛇 中路入楔心口控定 , 稍一猶疑下起左腳射門但乏力被門將輕易沒收 . 10 分鐘 , Joe 在對方 3 名守衛苦纏下橫傳右路大禁區角 大蛇 , 大蛇 起右腳勁射但高出 . 13 分鐘 , 亞文 中路入楔準備接應 Joe 之妙傳 , 剛好在入禁區前被對方後衛從橫撞跌 , 禁區頂得罰球 , 亞文 主射 , 皮球彎過人牆眼看必入但不幸擦柱出界 . 20 分鐘 , 大蛇 中路擺脫對方守衛交前 , 亞文 從左路 cut 入中路接應起右腳施射但高出 . 及後 理工舊生 有數次角球但威脅不大 . 至完半場前 大蛇 中場中路截得 對方開出龍門球引球推進 , 至禁區對出 7 , 8 碼作勢起腳施射但即右腳「禁」地波直線傳交左路入楔 Joe , Joe 突破越位入禁區 , 可惜被對方門將快步出迎封窄角度下左腳射斜 . 完半場 , CPAST 未能打開紀錄 .

下半場一開始 , 理工舊生 反客為主向 CPAST 施壓 , 頭 5 分鐘壓 CPAST 於半場進攻並迫得多次角球 , 不過 CPAST 一一瓦解 , 而最危險一次為 亞邦 大腳 out-消 時 , 皮球誤中回防 大頭生 彈後 , 對方前鋒得單刀機會 , 幸好 Boaz 快步出迎迫得對方前鋒大步推進至左路窄位勉強起左腳射高 . 另一次 大頭生 於禁區內出腳擋截對方左路傳中地波撻 Q , 皮球飛向龍門 , 幸好於柱邊出界 . CPAST 大難不死 , 站穩陣腳後再適應比賽節奏並開始反撲 . 7 分鐘 , Tommy 後場大腳解圍踢高 , 大蛇 中線前控定來球牽引對方 2 名守衛攔截下橫傳後上 亞文 , 亞文 斜傳右路 亞清 , 踢回以往最佳位置右中場o既 亞清 特別醒神 , 沿右路推進傳中 , 亞基 入楔中路 12 碼點迎頂 , 可惜頂中波底高出 . 9 分鐘 , 大頭生 中場成功攔截對方傳球 , 然後以傳說中o既「小志強」式直線「盤」球推進 , 將對手一一彈開後傳交 Joe , Joe 再斜傳左路空位 亞文 , 亞文 於禁區角推入中路避過對方守衛起右腳射近柱龍門左下角 , 對方門將雖然撲到但仍然阻止不了這入球 , CPAST 1-0 領先 . 13 分鐘 , CPAST 左路角球由 大蛇 開出 , 對方後衛頂出禁區 , 對方另一球員欲加一腳解圍但撻 Q , 皮球重回 大蛇 腳下 , 於左路大禁區角扣定射遠柱 , 可惜被對方門前之守衛擋出 . 18 分鐘 , CPAST 一輪圍攻下皮球輾轉落到右路 亞文 腳下 , 亞文 橫傳中路入楔 大蛇 , 大蛇 巧妙地推右走左避過對方衝出之守衛 , 於禁區頂怒射遠柱龍門右下角 , 對方門將飛盡橫身擋出 , 但矢志今仗以入球補償上次擺烏龍過失o既 亞基 以迅雷不及掩耳之勢衝到門前 7 碼 小禁區角撞射入網 , CPAST 領先 2-0 . 此時 理工舊生 唯有全軍壓上 . 23分鐘 , Joe 接應 亞文 妙傳 單刀 , 可惜其射門中正對方出迎之門將之「8月15」 . 27 分鐘 , Tommy 左路遠柱禁區內接應 亞文 罰球頭鎚勁頂龍門右下角 , 但被對方門將飛身撲出底線 . 29 分鐘 , 對方右路開出角球至遠柱 , 亞文 守柱將對方射門擋出 . 31 分鐘 , 大蛇 右邊角球開出 , 對方門將出迎失位 , 亞清 頭鎚頂空門 , 但被對方守近柱之守衛護空門擋出 . 最終 CPAST 以 2-0 擊敗 理工舊生 , 報回上次慘敗之辱 .

領隊大蛇 : 「今場波可謂打出今屆至現時為止o既代表作 , 全隊上下士氣如虹 , 積極進取 , 但對方防守亦出色 , 我o地要到下半場先打開紀錄 , 可謂皇天不負有心人 , 而第 2 個入球更加重要 , 可穩定勝局 . 對於爭逐聯賽錦標 , 現在先過頭關 , 只要再下一城 , 奪標機會即高唱入雲 . 因此各隊員都熱切期待 4 月 4 日 對 羅友 o既真正榜首大戰 , 戰情必定緊張剌激 !!」

撰文 : 大蛇

[Top]


Match : CPAST 1:0 Fortress(HLL-Wk22)
日期 : 2003-03-23(日)
開波 : 7:30pm
球場 : 葵涌運動場
球衣 : 白


CPAST 1 ( 大蛇 - 下半場4分鐘 ) ; Fortress 0;

上半場
上半場 (17')
(17') in
下半場

(39')
下半場 (45')
(45') in

(50') =>



CPAST 面對榜尾球隊 堡壘 , 開賽不久即取得主動權 , 但 堡壘 今仗明顯有備而來 , 屯重兵於後防 , 加上硬朗攔截與及埋身之小動作 , CPAST 難以制造有威脅攻門 , 更於中段差點失守 , 當時對方左路得角球 , 以右腳內彎遠柱近門 4 碼點落 , Boaz 已失位 , 幸好對方兩名前鋒自己爭食之下頂高 , CPAST 大難不死 . 之後 亞清 2 次半單刀機會皆猶疑唔起腳 , 同樣無法扣過對方守衛錯失機會 . 而上半場最具威脅一次攻門在完半場前一刻 , 大蛇 接應 Joe 橫傳於禁區頂起右腳趟射 , 可惜高出 . 完半場 , 0-0 冇紀錄 .

下半場一開波 , CPAST 即展開猛烈攻勢 . 4 分鐘 , Tommy 斜傳 亞基 , 亞基 推過對方右閘左路沉底出波 , Andy 走前柱引開對方守衛 , 大蛇 中路後上 16 碼點頂遠柱龍門左上角笠入 , CPAST 打破悶局領先 1-0 . 之後 CPAST 攻勢一浪接一浪 , 先有 Joe 接應 Andy 二傳禁區角勁射中網側 , 再有 亞基 左路禁區內抽射斜出 ; 之後 大蛇 接應 亞基 橫傅禁區內控定勁射中人彈出 ; 另 1 次 大蛇 禁區頂接應 Andy 心口後傳狂抽又太正被龍門擋出 ; 而 亞棟 近門 5 碼笠頂又中眉唔入 ; Joe 禁區頂罰球又貼眉高出 . 最終重複第一循環戰果 , CPAST 1-0 小勝 堡壘 .

領隊大蛇 : 「聯賽已進入白熱化階段 , 頭 3 支球隊叮噹馬頭 , 每場波都不容有失 . 跟o住 2 場榜首大戰將決定今季冠軍誰屬 , 大家必定悉力以付 , 全力爭勝 , 向冠軍邁進 !!」

撰文 : 大蛇

[Top]


Match : CPAST 6:0 E-Tai(HLL-Wk18)
日期 : 2003-03-09(日)
開波 : 7:30pm
球場 : 天水圍運動場
球衣 : 白


CPAST 6 ( Ricky - 上半場13分鐘 , 大蛇 - 上半場21分鐘 , 亞清 - 下半場4分鐘 , 亞宏 - 下半場14分鐘 , 下半場19分鐘 , 亞棟 - 下半場34分鐘 ) ; E-Tai 0;



上半場

(13')

(21')
下半場

(39')

(10')=>

(69')


(49', 54')

<=(60')



接連兩仗失利之後 , CPAST 收拾心情並重整旗鼓 , 面對榜尾球隊 銥泰 , 甫開賽便顯示強大之爭勝心 . 3 分鐘 , Joe 突破越位成單刀 , 見門將出迎即笠射可惜高出 . 至 13 分鐘 , 多番沿右路後上助攻o既 Ricky 終於憑一記急勁o既底線傳中波 , 迫使對方後衛擺烏龍 , 揭開這場大勝之序幕 . 2 分鐘後 , 亞宏 接應 Joe 斜傳於右路底線傳中 , 大蛇 快對方門將一步「扇」後 , 可惜越門而過 . 至 21 分鐘 , Ricky 右路三閘線高波傳入禁區 , Alex 左路入楔衝門 , 但來遲半步被對方門將手鎚打出 , 但皮球被 大蛇 於右路大禁區角截得 , 控定後起右腳勁射掛網 , CPAST 領先 2-0 . 完本場前 CPAST 應可擴大優勢 , 當時 Joe 截得對方門將開出乏力之龍門球 , 於 25 碼腳面抽射割草式外彎球 , 對方門將勉強擋出不遠 , Alex 衝到執雞入網 , 但旁証示意越位在先判炸糊 . 半場 CPAST 領先 2-0 .

下半場 CPAST 未有放慢節奏 , 繼續壓迫對手 . 3 分鐘即由 亞清 接應 Ricky 於右邊開出之角球於混戰中射入成 3-0 . 10 分鐘 亞宏 於右路大禁區角推入中路 , 避過對方 2 名守衛於 12 碼點起其私家左 Q 射門 , 但欠角度及力度下被門將沒收 . 14 分鐘 , Ricky 右路斜直線傳交中路入楔 亞棟 , 亞棟 右腳快篤但被對方門將出迎封位擋出 , 亞宏 第一時間再起左腳撞射中門將左腳但仍漏入空門 , CPAST 4 球領先 . 5 分鐘後 , Ricky 再於右路地波傳中至近柱 , 亞宏 快步楔前乖巧地右腳輕輕一撥入網 , 5-0. 27 分鐘 , 亞基 左路發難於底線前傳交中路 8 碼點無人看管o既 Andy , Andy 控定後稍一猶疑 , 對方守衛已趕至封位 , Andy 欲扣過該守衛再起腳但未能成功 , 錯失機會 . 至完場前 1 分鐘 , 亞邦 左路底線傳中 , 亞棟 門前 4 碼 右腳控定 , 左腳「豆」入 . 結果 CPAST 6-0 大勝 .

領隊大蛇 : 「連輸兩場後今仗面對 銥泰 , 全隊未有因對方與己隊實力有距離而放鬆 , 反而全場壓迫對手以爭取入球實在值得為每位球員鼓掌 ! 呢場波唔單止係全取 3 分咁簡單 , 亦係為球隊重建信心有好大幫助 , 希望呢種全力爭勝o既精神繼續落去 , 爭取更好成績 !!」

撰文 : 大蛇

[Top]


Match : CPAST 6 (1:1) 7 Notton(HLC-Rd3)
日期 : 2003-03-02(日)
開波 : 7:30pm
球場 : 天水圍運動場
球衣 : 紅


CPAST 1 (亞文 - 下半場10分鐘) ; Notton 1;

Penalty shoot-out
CPAST5
O

O

X

X

O

O

O

X
Notton6 X X O O O O O O


上半場

(13')
下半場

(43')=>

(55')=>

(45')


繼上季盃賽八強 12 碼出局後 , 今季重蹈覆轍 , 再次於 12 碼決勝中飲恨 , 八強止步 .

可能係盃賽關係 , 開賽初段雙方都踢得好審慎 . 至 20 分鐘 , CPAST 機可打開紀錄 . 當時 CPAST 左路逼得角球 , 大蛇 右腳內彎開出 , 門前 4 碼 Andy 接應竟射高 , 錯失領先機會 . 半場冇紀錄 .

下半場 CPAST 先取主動 , 10 分鐘 , 大蛇 前場中路控定來球 , 諾頓 後防散出欲裝越位 , 大蛇 即斜直線妙傳右路後上 亞宏 突破越位 , 亞宏 推入禁區近底線地波傳中 , 對方守衛解圍失誤 , 被 亞文 於小禁區角控定射入 , CPAST 1-0 領先 . 諾頓 全軍壓上 , CPAST 穩守突擊 . 16 分鐘 , CPAST 瓦解 諾頓 角球反攻 , 亞文 被對方力逼下頭鎚輕輕「扇」後 , Joe 中圈接應長駒直進 , 推至禁區外 5-6 碼起腳笠射斜出 , 錯失良機 . 及後 Joe 於左路接應 大蛇 直線落底線傳中 , 可惜 亞宏 來遲半步 . 而另一球 亞基 於左路窄位施射又被對方門將擋出 , CPAST 始終未能拉開紀錄 . 至 24 分鐘 , 諾頓 左路發動攻勢 , 至禁區內底線傳中 , 門前全部大漏 , 遠柱 諾頓 球員控定施射 , 但於白界前中 CPAST 球員彈出 , 門前再度混戰 , 諾頓 前鋒背向龍門推橫 , 亞俊 一時魯莽從後將其踢跌 , 球証直指 12 碼 . 諾頓 球員一針見血追成 1-1 至完場 .

12 碼決勝 , 諾頓 先射失 2 球 , CPAST Ricky 及 亞文 分別射入 ; 至第 3-4 輪 大蛇 及 九仔 射失 , 諾頓 2 射皆中 ; 最後一輪 亞基 射入 , 諾頓 亦中 ; 進入突然死亡 , 亞邦 及 亞宏 先後射入 ; 至第 8 輪 , 亞麥 射失 , 諾頓 射入 , 結果 CPAST 總比數 6-7 黯然出局 .

領隊大蛇 : 「今仗面對乙組前列份子 諾頓 , 賽前已知並非易踢 , 不過我o地吸取上場大敗之教訓後 , 今場明顯有好大改善 , 大致上已打回季初之氣勢 , 而且亦能先開紀錄 , 可惜未能將優勢擴大 , 加上久休服出o既兼有傷在身o既 亞俊 狀態底沉 , 更因為一次魯莽o既犯規被追回一球 12 碼 , 否則我o地已可順利打入 4 強 . 不過睇見球隊大部份球員已回復水準 , 對今後o既賽事我o地有信心可以愈踢愈好 !」

撰文 : 大蛇

[Top]


Match : CPAST 0:4 Poly Old Boys(HLL-Wk16)
日期 : 2003-02-23(日)
開波 : 3:00pm
球場 : 上水北區運動場
球衣 : 紅


CPAST 0 ; Poly Old Boys 4;

上半場

(25')=>
下半場



經過14場大小賽事不敗後 , CPAST 今仗表現突然滑落 , 以 0-4 大敗於 理工舊生 腳下 , 終止今屆聯賽不敗之身 !

上半場初段雙方拉成均勢 , 但少有威脅攻門 , 至20分鐘 大蛇 在禁區外一記冷箭高出較俱威脅 . 29分鐘 , 理工舊生 進攻被 CPAST 解圍 , 皮球正好落在 大蛇 腳下 , 大蛇 立即試圖策動反攻 , 眼見右路 亞文 正冇人mark , 準備長傳之際 , 皮球卻因地面不平撞中腳尖彈離腳 , 被對方中場截回再斜傳左路 , 對方球員壓落底線傳中 , 亞基 回防中路在對方前鋒力壓下誤將皮球撞入龍門 , CPAST 0-1 落後上半場 .

下半場 CPAST 將防線壓上意圖追回失球 , 卻於 8 分鐘再度失手 . 當時右路後場遲遲未能將皮球帶離危險區域 , 結果被對方搶得控球權並推至底線傳後禁區角 , 對方中場後上射門 , 皮球省中上前攔截o既 亞邦 改變方向遠柱入網 . 禍不單行 , 16 分鐘 CPAST 後防再次自己犯錯 , 清道夫 亞邦 接應後傳一時猶疑即被對方前鋒偷得腳下球 , 單刀射成 3-0 . 到 25 鐘 , CPAST 機可破蛋 , 大蛇 中圈心口控定對方解圍來球 , 大腳長傳左路 亞清 , 亞清 推至底線傳中 , 亞文 10 碼點接應凌空掃打腳趟射 , 皮球擦龍門右柱出底線 . 29 分鐘 , 亞邦 中圈長傳右路 Ricky , Ricky 底線地波傳入楔前柱 大蛇 , 大蛇 固意漏後 , Joe 後上接應但被對方後防力壓下射門被擋 , 皮球落回 大蛇 腳下 , 但冇角度射門 , 大蛇 地波橫傳遠柱空位 亞清 , 亞清 面對空門離門 4 碼竟然撻 Q 唔入 , 注定 CPAST 今仗食蛋 . 完場前 CPAST 再失一球 , 結果 0-4 大敗 .

領隊大蛇表示 : 「輸波係合理賽果 , 今仗有幾名主力缺陣 , 實力及人腳配搭上出現問題 , 但呢個並非輸波主因 , 而係大部份球員不在狀態 , 欠缺爭勝心 , 每每 5 / 5 波 , 甚至 6 / 4 波都爭輸 , 此消彼長下 , 對方愈踢愈順 , 我o地則愈踢愈沉 . 不過輸一兩場波唔係大問題 , 我o地輸得起 , 最緊要重新振作 , 下場盃賽對 諾頓 重整旗鼓 , 再次享受勝利o既喜悅 , 亦為 Ricky 與 Candy 即將大婚助慶 !!」

撰文 : 大蛇

[Top]


Match : CPAST 2:1 Ricci(HLL-Wk15)
日期 : 2003-02-08(六)
開波 : 7:30pm
球場 : 上水北區運動場
球衣 : 白


CPAST 2 (Van仔 - 上半場21分鐘 , 亞文 - 下半場12分鐘 ) ; Ricci 1;

上半場

(21')
下半場

(49')Out

(49')Out

(47')
下半場 (49')

(58')
(49')in

(67')

(61')
(49')in


羊年第一仗 , CPAST 以強陣出擊 , 在 大蛇 賽前叮囑球員要一開賽即向對手施壓下 , 甫開賽已將對手壓住半場攻 . 至10分鐘出現第一次黃金機會 , 當時 Joe 接應 Tommy 直線於右路底線傳中至遠柱無人看管之 大蛇 , 大蛇 近頂可惜太正被門將輕易沒收 . 至21分鐘 , 大蛇 左路推進直傅禁區角 Joe , Joe 第一時間巧妙回傳 大蛇 , 大蛇 後上起右腳拉射遠柱地波 , 被門將擋出 , Andy 欲補中但來遲半步 , 不過 Andy 仍回身追至底線出界前扣定皮球 , 再後傳 Van仔 , Van仔 窄角度下右腳勁射近柱上角 , 對方門將雖有反應掂到少少 , 但球速太快 , 皮球應聲掛網 , CPAST 1-0 領先 . 4分鐘後 , CPAST 機可將紀錄拉開 , 當時 Van仔 於右路禁區角傳中12碼點 Andy , 可惜 Andy 側額一批柱邊出界 . 29分鐘 , 勵志反攻於中路 25-26 碼左右迫得罰球 , 對方前鋒一腳勁射擦眉高出 . 半場 CPAST 1 , 勵志 0 .

下半場 CPAST 繼續控制戰局 , 至12分鐘終由 Tommy 於娥媚頂斜傳給 亞文 , 亞文 於左路一記似傳非傳 , 似射非射之高波笠死對方門將 , CPAST 領先至 2-0 . 眼看大局已定 , 2分鐘後 CPAST 換入 2 名帶傷球員 亞邦 及 何B 玩 . 20分鐘 , 亞宏 前場彈橫後上 Tommy , Tommy 避過對方2名守衛於娥媚頂起右腳趟射 , 但欠角度被門將沒收 . 至完場前5分鐘 , 亞邦 與剛出冊復出把關之 亞俊 晤會之下 , 亞邦連撻2Q , 被對方前鋒把握機會笠死 亞俊 , 勵志 追近至 1-2 , 並打破 CPAST 連續4場不失球紀錄 . 臨完場前 勵志 左路角球開出 , 亞俊 於小禁區角接球竟脫手 , 被對方前鋒快腳射空門 , 幸好門前人多 , 皮球省中 Raymond 彈出不至被迫和 . 最終 CPAST 以 2-1 小勝 勵志 .

領隊大蛇表示 : 「羊年總算有個好開始 , 雖然比賽尾段有 d 放鬆 , 更大意失波被追近 1-2 , 但最終能全取 3 分保持爭標形勢非常重要 ! 下場對失分相同之 理工舊生 絕不可再有鬆懈 , 誓要繼續贏落去 !!」

撰文 : 大蛇

[Top]


Match : Ching Fung 0:1 CPAST(HLL-Wk14)
日期 : 2003-01-26(日)
開波 : 6:00pm
球場 : 天水圍運動場
球衣 : 白


賽前合照 亞華禁區內被拉跌 (1.3M)
Ricky頭鎚中柱 (1.3M) Raymond與對方爭執 (1.3M)


CPAST 1 (Joe - 下半場16分鐘 ) ; Ching Fung 0;

上半場

(35'+)
下半場
<=(60')
(53')=>

(51')
<=(63')



農曆新年之前最後一仗 , CPAST 面對第一循環時 2:2 戰和o既 青鋒 . 今仗 CPAST 穿上全新白色長袖波衫 , 加上上週六 亞麥 o既小女出世 , 全隊上下精神抖抖 , 誓要以入球及勝利o黎近接羊年 !

可能由於天氣突然由冷轉熱 , 雙方開賽初段都踢得未見積極 , 球來球往 , 至中段大家適應後才入局 , 並將節奏加快 , CPAST 亦稍為壓上並稍佔優勢 , 但未能造成太多威脅 . 20分鐘 , Joe 中路妙傳右路 Van仔 , 可惜 Van仔在冇對方守衛壓迫下推波入禁區太大力 , 被對方門將出迎沒收 . 24分鐘 , 亞文 快腳挑前傳交 亞華 , 亞華 中路入楔成功眼看成單刀之時 , 青鋒 守衛從後將亞華拉跌 , 動作非常明顯 , 但球証竟冇表示 , CPAST 痛失一記 12 碼 . 26分鐘 , 青鋒 一次突擊突破 CPAST 越位陷阱 , 在單對單下 Boaz 出迎封位擋出對方前鋒於禁區邊o既施射 , CPAST 力保不失 ! 至完半場前最後一擊 , CPAST 左路罰球由 亞文 大腳吊向遠柱 , Ricky 接應正額頂回遠柱 , 對方門已完全失位 , 眼看必入 , 但個波竟中柱內側彈出 , Van仔 欲補中又被對方門將擋出 , 亞宏再射又中人彈出 , 最後九仔再於30碼起腳又中人牆彈出 , 青鋒 隨即想快速反擊 , 個波傳至中圈 , Raymond 出腳將對方8號球員攔跌 , 與此同時球証吹長雞完半場 , 但青鋒28號前鋒見自己隊友被踢跌 , 立即由前場跑回中圈以胸撞胸 , 撞向 Raymond 問罪 , Raymond 一向唔襟激 , 亦還以胸撞 , 雙方胸來胸往 , 場面大混亂 , 結果由雙方其他球員調解下平息事件 . 最後球証將 Raymond 及 青鋒 28號球員雙雙紅牌趕出場 .

下半場10個打10個 , CPAST 打回以往善長o既10人陣式 , 在球場空位較多下 , CPAST 採取積極主動o既打法 . 2分鐘 , Andy 接應 Ricky 直線入禁區 , 在對方守衛力迫下冇法起腳 , 回傳後上 大蛇 , 可惜 大蛇 於禁區頂撞射高出2個波位 . 11分鐘 , 亞文 於左路發難推至禁區角橫傳中路後上 大蛇 , 大蛇 推入禁區12碼點 , 單對單面對門將以右腳「燙 」遠柱 , 但個波竟然貼柱出界唔入 , CPAST 再次痛失良機 ! 至16分鐘 , 皇天不負有心人 , CPAST 終於打破僵局 , 大蛇 中路策動攻勢 , 直傳 Andy 再走位向左路拉空對方守衛 , Andy 即橫傳 Joe , Joe 左腳扣橫右腳勁射 , 正好省中對方後衛個「8月15」改變方向 , 青鋒 門將只可目送皮球入網 , CPAST 1-0 領先 . 20分鐘, 大蛇 斜線妙傳右路 Joe , Joe 在窄位下無視中路小禁區3個隊友自己施射斜出 . 23分鐘 , 大蛇 中路與 Andy One-Two 後禁區頂右腳腳面拉龍門右下角 , 但未能命中 , 皮球柱邊出界 . 及後 青鋒 全軍壓上稍為主動 , 但未有真正威脅 Boaz 之攻門 , 而 CPAST 則以突擊還擊 . 29分鐘 , 亞基 沿右路推入中路於禁區角起左腳射遠柱 , 可惜斜出 . 最終 CPAST 以 1-0 小勝 青鋒 .

領隊大蛇表示 : 「今仗 青鋒 o既防守踢得非常硬淨 , 幸好雙方都表現風度 , 除完半場時一場小風波外 , 大家都全心全意比賽 . 而我o地今場波贏得好合理 , 埋門機會多的是 , 如能好好把握應可大勝 , 不過小勝亦冇壞 , 最重要係全取3分保持爭標機會 , 亦以此勝仗為 亞麥 個女助慶 . 同時 亞文 亦傷癒復出 , 加上上仗復出o既 亞基 , 鋒力可望更強 , 希望 何B 亦能盡快 痊癒 , 令球隊更強大及完整 , 迎接羊年o既挑戰!!」

撰文 : 大蛇

[Top]


Match : CPAST 2:0 暴龍(HLL-Wk13)
日期 : 2003-01-11(六)
開波 : 9:00pm
球場 : 天水圍運動場
球衣 : 紅


CPAST 2 (Joe - 下半場17分鐘 , 大蛇 - 下半場30分鐘 ) ; 暴龍 0;

上半場陣容 : 守門員 :Boaz ; 後防 : Raymond, 亞邦 , 亞清 , 九仔 ; 中場 : Ricky , Tommy , 大蛇 , 亞棟 ; 前鋒 : Joe , Nelson.
下半場調動 : 亞宏入替Raymond 出任右中, Ricky 移後右閘 ; Alex入替亞棟任左中 , Andy入替Nelson任前鋒 ; 完場前10分鐘亞基入替受傷Joe ; 最後1分鐘 , 何B再替九仔.


在寒冷天氣之晚上 , 雙方在開賽初段表現未見積極 , 形成膠著狀態 . 暴龍 似有些微優勢 , 但亦未能制造有威脅射門 . 及後 CPAST 稍將球員調動 , 亞棟 改踢前鋒 , Joe 移後中場 , Tommy 移左任左中場 , 情況即有改善 , 戰至20分鐘 , Ricky 右路直線交前 , 大蛇 後上突破對方越位陷阱 , 大步推入禁區 , 可惜角度太窄下射遠柱斜出 . 8分鐘後 大蛇 再次突破越位於中路接應 Nelson 快腳篤前之傳送 , 在對方2名守衛快速回防下未能傳交右路後上 Ricky , 只能力壓入禁區 , 最終只能搏得角球 . 上半場 亞棟 亦有一次於禁區內施射機會 , 可惜高出 . 半場 0-0 未有紀錄 .

經半場試探虛實後 , CPAST 下半場主動出擊搶攻並多次於右路由 亞宏 高速殺落低線制造機會 . 6分鐘 , 亞宏 接應 九仔 大腳斜傳 , 於右路快放入禁區 , 可惜情況跟上半場大蛇相同 , 窄位射遠柱出界 . 10分鐘 暴龍 後場大腳長傳至 CPAST 中路心臟地帶 , 九仔 力壓對方前鋒但仍未能即時解圍而被對方將皮球撞前 , 亞邦 失位伸盡右仍擋不住皮球漏入禁區 , 對方前鋒入楔成功 , 單對單面對 Boaz, Boaz 出近封位下對方未能冷靜處理射斜 , CPAST 大難不死 . 之後 CPAST 基本上控制戰局 , 至17分鐘終於打開紀錄 , 當時皮球於暴龍禁區邊彈高 , Joe 與 大蛇 眉來眼去後輕輕頭鎚點橫 , 大蛇 接應亦以頭鎚輕頂入禁區成單刀 , 對方門將快步出近 , 大蛇 快射仍被其身軀擋出 , 但皮球正好落在 Joe 腳下 , Joe 控定後右腳勁射破網 , CPAST 1-0 領先 . 之後 CPAST 繼續向 暴龍 施加壓力 , 未有因領先而縮後 . Andy 及 Alex 分別有機會頭鎚及禁區頂笠射 , 可惜都未境全功 . 至完場前5分鐘 , 亞邦 後上殺入禁區 , 在對方守衛力迫下橫傳 大蛇 , 但個波太後 , 大蛇 回身追但被對方後衛大腳解圍 , 不過過唔到三閘線被 Tommy 頂回 , 亞宏 接應起腳抽射省中後衛彈高入禁區 , Andy 被對方後衛力迫無法直接攻門 , 但仍能頂橫中路 大蛇 , 今次 大蛇 回身快對方門將一步拗腰轉身射入成 2-0 奠定勝局 . 至完場紀錄 CPAST 2 暴龍 0.

領隊大蛇表示 : 「今仗贏波並不輕鬆 , 對方個別球員有過勇表演 , Joe , 亞宏 及 亞清 也因此受傷 . 其中完場前對方隊長13號從後在完全冇可能踢到個波o既情況下大腳踢向 亞宏 小腿最離譜 , 但更離譜係佢不但冇歉意 , 更大大聲"凶" Ricky , 而 Ricky 只係上前準備分開佢同埋已受傷倒地o既 亞宏 . 此時對方另一17號球員亦從老遠 (最少30碼外) 走來助勢 , 加入"凶" Ricky , 最後經雙方其他球員和解才散開 . 而球証當時非常接近案發地點 , 理應好清楚成件事o既始末 , 佢當時亦即時吹罰 , 但和解後竟然連呢種應該立即出示紅牌o既行為連黃牌都冇俾 , 我即時上前問佢 , 但佢冇回應 . 呢件事由頭到尾都係對方唔 , 輸波就踢人 , 踢完你仲要凶你 , 有冇咁惡呀 ?! 就呢件時間我會去信賽會作書面投訴備案 , 亦希望賽會要求暴龍及球証作賽後報告 (詳情請留意康樂聯賽網頁 ).

「除這不愉快事件外 , 今場波最值得高興唔係贏波 , 而係養傷超過3個月o既 亞基 終於可以再穿戰衣踏足球場 , 希望 亞基 可以漸漸回復以往佳態 , 與大家並肩作戰 !!」

撰文 : 大蛇

[Top]


Match : CPAST 2:0 SFC(HLC-Rd 2)
日期 : 2002-12-29(日)
開波 : 7:30pm
球場 : 上水北區運動場
球衣 : 紅


Tommy 單刀在禁區頂施射.(1.7M)


CPAST 2 (亞清 - 上半場13分鐘 , 大蛇 - 上半場22分鐘) ; SFC 0;

上半場陣容 : 守門員 :何B ; 後防 : Raymond, 亞邦 , 亞清 , 九仔 ; 中場 : Van仔 , Tommy , 大蛇 , Alex ; 前鋒 : Joe , Nelson.
下半場調動 : Ricky入替Raymond 任右閘, 大頭生入替Van仔任中堅 ; 亞清 改任右中場 , 亞麥 入替Alex任左中場 ; 亞華入替Nelson任前鋒 ;
5分鐘Andy入替亞清任前鋒 , Joe移後任右中場 .


經過聖誕假期及3年來最凍的2日後 , 在溫度稍稍回升o既晚上 , 大部份球員仍然能保持良好o既狀態 , 終以 2-0 輕鬆過關 , 打入盃賽8強 .

面對乙組 SFC , CPAST 開賽不久已控制戰局並不斷以左右側擊威脅對方 . 至13分鐘 , 右路迫得角球 , Van仔右腳碧咸式外彎球正好落在遠柱亞清頭頂 , 亞清跳至最高點頭鎚頂回遠柱龍門左上角掛網 , 亞清取得今季首個入球 , CPAST 1-0 領先 . 4分鐘後 , Van仔於右路發動攻勢 , 橫傳中路禁區頂 , Joe與大蛇交叉走位 , 大蛇由中路切入後腳輕輕撥交由右路切入中路後上o既Joe , Joe推橫後應可起左腳施射 , 但稍一猶疑後欲再橫傳Nelson , 可惜力度過大 , 錯失入球良機 . 5分鐘後 , Van仔右路角球照辦煮碗 , 今次亞清走前柱引空對手 , 大蛇則擺脫對方高大隊長於門前8碼點側額一頂 , 皮球應聲破網 , 22分鐘 CPAST 2-0 領先 . 之後 CPAST 繼續向對方施加壓力 . 6分鐘後 , CPAST 圍攻 SFC , Joe 中路截得來球 , 過頭波放入右路禁區內 , 大蛇切入近底線前橫傳中路 , Van仔 剛好趕到門前8碼接應第一時間撞射 , 可惜撻Q被門將輕易沒收 . CPAST 稍稍回氣 SFC 即反攻 , 於右路快放入禁區 , 大蛇高速包到 , 對方前鋒被力迫下只能射近柱 , 帶傷上陣o既何B封位擋出底線 . SFC 角球開出於禁區內混戰 , 對方前鋒在 CPAST 3名防守球員力壓下勉強轉身快射 , 皮球欠力度及角度下何B輕鬆一抱入懷 . 半場 CPAST 領先 2-0.

下半場一如所料 , SFC 棄守為攻 , 但面對 CPAST 由中場已開始緊迫o既防守顯得沒有威脅 , 反而後防出現更多空位讓 CPAST 打反擊 , 若非未能好好把握 , 比數可拉得更開 . 3分鐘 , 亞麥左路後場彈前大蛇 , 大蛇見亞華大斜線切入左路即右腳腳面直傳 , 可惜對方門將緊緊快突破越位o既亞華1步大腳解圍 . 7分鐘 , Tommy 於後場成功攔截後傳交大蛇策動反擊 , 大蛇斜傳左路中線對前空位亞華 , 亞華引球至3閘線回傳中路後上亞邦 , 亞邦推至禁區頂引得對方守衛上前攔截後再冷靜地撥橫右路無人看管o既 Andy , Andy 控定後起右腳施射 , 但被對方快步出近之門將雙手拓出底線 . 17分鐘 , CPAST 沿右路進攻 , Ricky 傳中至遠柱 , Andy 在對方守衛力壓下近門未能發力 , 只能頂彈地近柱 , 再次被對方門將封位擋出 . 24分鐘 , 九仔左路大腳傳中 , Andy 3閘線2傳set 前 , CPAST 3名球員後上突破越位 , Tommy 在大蛇及亞華一左一右護送下推入禁區 , 但臨門一腳竟撻Q射斜 , 再次錯失入球鑽石機會 ! 31分鐘 , 亞邦後上殺入禁區回傳大蛇 , 大蛇娥媚月起右腳射遠柱 , 可惜被對方守衛心口擋出 . 至完場前最後一擊 , 大蛇左路開短角球 , 亞麥傳中亞華搶點近柱快對方門將1步頭鎚扇遠柱 , 但被對方守柱球員大腳解圍 , 與此同時球証明笛完場 , 結果 CPAST 只能維持上半場紀錄 , 以 2-0 晉級8強 .

領隊大蛇認為 : 「今仗下半場的確錯失好多入波良機 , 但球賽往往就係咁 , 如果次次有機會都可以入到波 , 足球比賽o既比數就唔會時時都咁少 . 當然 , 在球隊領先2球o既情況下錯失機會總比未入波時或落後時顯得冇大礙 , 但希望每位球員在一次錯失 Full Chance 後緊記 , 以後再有機會時唔好再浪費 . 「綜觀球隊全場表現比之前2場波 ( 和懲教署1-1險勝KCC1-0 ) 有好大改善 ; 球隊於下半場未有因對手壓上而縮後 , 快速反擊亦見效率 , 只要臨門一腳再好好把握 , 理應大勝一場 . 下場比賽2星期後對暴龍 , 希望各傷兵盡快痊癒 , 令球隊陣容及實力能更強大 !」

撰文 : 大蛇

[Top]


Match : CPAST 1:0 KCC(HLL-Wk10)
日期 : 2002-12-22(日)
開波 : 4:30pm
球場 : 元朗大球場
球衣 : 紅


CPAST 1 (亞文 - 上半場18分鐘); KCC 0

上半場陣容 : 守門員 :Boaz ; 後防 : Raymond, 亞邦 , 亞清 , 九仔 ; 中場 : Joe , Tommy , 大蛇 , Alex ; 前鋒 : 亞文 , 亞華.
下半場調動 : 大頭生入替Raymond 出任中堅, 亞清 改任防守中場 , Tommy 改任右閘 ; Andy入替亞華任前鋒 .


冬至大日子 , 好多隊員都未能出席 . 而Boaz亦未改善遲到習慣 , 只能緊緊於開波前(其實已因等佢延遲開波)趕到 , 不過Boaz今仗演出神勇 , 力挽狂瀾 , 可算將功補過 .

一如過往賽事 , CPAST甫開賽即采取主動並取得效多控球權及攻勢 . 戰至18分鐘 , Alex中場壓迫對手搶走皮球傳交大蛇 , 大蛇避過對方攔截 , 斜線回傳Alex , Alex大步推落底線出波 , 皮球正好落在8碼點無人看管o既亞文面前 , 亞文不慌不忙輕鬆頂入 , CPAST 1-0 領先上半場 .

下半場KCC壓上 , CPAST打反擊 . 5分鐘大蛇中路偏左個人突破 , 過3關後篤橫禁區頂Andy , Andy 第一時間左腳施射 , 皮球直飛龍門右上角 , 但被對方門將飛身撲出 . 10分鐘 , Tommy頭鎚解圍頂前右路 , Joe接應高速落底線出遠柱 , Andy在對方守衛力壓下頭鎚未能命中目標 , CPAST始終未將紀錄拉開 . 之後全為KCC天下 , 對方全場壓迫並以簡單踢法有理冇理大腳轟前 , 終在20分鐘一次禁區混戰 , 皮球彈至右邊冇人壓迫o既Tommy面前 , Tommy以心口欲將皮球壓前推出禁區 , 但對方大叫Hand-Ball , 球証誤信直指12碼 . 傷癒後第2場把關o既Boaz冷靜地擋出對方欠缺角度o既射門 , 大頭生快對方後上球員半步大腳解圍 , CPAST力保不失 . 之後KCC仍然控制戰局 , 但Boaz救出12碼後信心爆棚 , 多次奮身擋出對方近門勁射 , 直情係球迷奇遇記 . 最終CPAST 力保不失 , 1-0 險勝全取3分 , 升上聯賽榜第2位 .

領隊大蛇賽後表示 : 「能全取3分對球隊好重要 . 之前2場未未竟全功痛失4分實在可惜 , 今仗差o的又衰在球証手上 , 好彩天理終於歸來 . 其實都要多謝球証誤判呢球12碼 , 因為Boaz因救出呢個波後上晒身 , 對佢日後o既比賽信心亦可加強 . 此後呢場勝仗唔單止係取3分咁簡單 , 亦同時加強球隊下週盃賽對乙組SFCo既信心 . 」

撰文 : 大蛇

[Top]


Match : CPAST 1:1 懲教署(HLL-Wk1)
日期 : 2002-12-14(六)
開波 : 7:30pm
球場 : 元朗大球場
球衣 : 紅


後防九仔表現穩定


CPAST 1 (亞文 - 上半場20分鐘;) 懲教署 1 (下半場20分鐘);

上半場陣容 : 守門員 :Boaz ; 後防 : Ricky, 亞邦 , 亞清 , 九仔 ; 中場 : Van 仔 , 亞宏 , 大蛇 , 亞麥 ; 前鋒 : 亞文 , Joe.
下半場調動 : Raymond入替Ricky 任右閘 ; Tommy入替Van 仔任防守中場 , 亞宏移任右中 ; 亞棟入替亞麥任左中 ; Andy入替Joe任前鋒 ; 5分鐘亞華入替亞宏 ; 20分鐘Nelson入替亞文任右中 , 亞華上前任前鋒 .


經過季初多番落雨封場後 , 這場聯賽第一週賽事終於可以上演 . 甫開賽CPAST已稍佔上風並踢得效對手積極 . 前線Joe亞文均表現活躍 , 同時左右中場亞麥Van 仔亦令對方左右閘相當頭痛 . 中場大蛇亞宏成功控制中場 , 而後防在極少壓力下效為清閒 , 左右閘Ricky九仔亦能不時上前助攻 . 戰至20分鐘 , 亞清於中線左路位置頭鎚頂回中路大蛇 , 大蛇控定後即轉身大斜線長傳右路Van 仔 , Van 仔推進至大禁區角附近橫傳蛾眉月頂亞文 , 亞文背對龍門在2名守衛力壓下仍能轉身起左腳射龍門左下角入網 , CPAST 1-0 領先 . CPAST 得勢不隢人 , 繼續向懲教署施壓 . 其中以大蛇禁區頂接應亞文故意漏後的Van 仔右路傳中球 , 擺脫對方守衛後射門 , 但被對方門將擋出 , Van 仔追前欲補中但來遲半步 ; 及Van 仔接應大蛇妙傳右路入契小禁區角對出3 , 4 碼施射撻Q斜出最具威脅 . 結果上半場在佔盡優勢下只能以1球領先 .

下半場CPAST攻勢明顯放緩 , 與懲教署展開拉鋸戰 . 雙方埋門機會不多 . 懲教署中場曾有一記25碼遠射效具威脅 , 幸好稍高1個波位高出 . 但戰至20分鐘 , 懲教署終憑一次角球頂入 , 追平 1-1 . 及後CPAST再採取主動 , 至完場前最後一擊 , 角球開出後禁區內懲教署未能解圍 , 九仔混亂中8碼勁射可惜中人叢彈出 . 結果完場雙方 1-1 握手言和 .

賽後領隊大蛇表示 : 「連續2場比賽都在領先之下被對手迫和 , 且同時均在臨完場前錯失入球機會 , 2場波痛失4分 , 錯過上榜首好機會實在可惜 . 不過球隊表現其實未有走下坡 , 只稍欠運氣 , 1 , 2 場失分可以理解 , 只要餘下賽事保持住戰意及信心 , 勝利好快又會返o黎 ! 」

撰文 : 大蛇

[Top]


Match : 羅友 1:1 CPAST(HLL-Wk9)
日期 : 2002-12-06(五)
開波 : 9:00pm
球場 : 天水圍運動場
球衣 : 藍


Van仔於左路表現活躍亞棟完場前近門施射,可惜被對方守衛救出空門


CPAST 1 (Joe - 上半場15分鐘); 羅友 1 (下半場10分鐘);

上半場陣容 : 守門員 :何B ; 後防 : Raymond, 亞邦 , 亞清 , 九仔 ; 中場 : 亞麥 , Tommy , 大蛇 , Alex ; 前鋒 : 亞華 , Joe.
下半場調動 : Ricky入替Raymond 任右閘 ; 大頭生入替亞清任中堅 ; 亞宏入替亞麥任右中 ; Van 仔入替Alex任左中 ; 亞文入替亞華任前鋒 ; 及後至15分鐘亞棟入替Joe .


經過聯賽,盃賽及友賽7連勝後 , 終於在這場聯賽榜首大戰面對實力相若的羅友 . 甫開賽羅友 即展開攻勢 , 3分鐘羅友於右路大腳遠傳左邊 , 對方9號趙永豪殺入禁區 , 亞邦包到攔截其左腳射門 , 皮球彈橫 , 對方9號趙永豪追前於小禁區邊右腳勁射 , 眼看何B鞭長莫及 , 但九仔不知何時已包到並神乎其技地將這必入球救出 , CPAST不致早段先失 . 及後CPAST站穩陣腳 , 雙方戰開拉鋸戰 . 至15分鐘 , CPAST一次美妙組織先開紀錄 . 當時後場亞清彈前中場線偏左大蛇 , 對方2名中場上前攔截 , 大蛇立即橫傅中路Tommy , Tommy瀉身避過對方攔截 , 推前一步再挑前對方心臟地帶 , Joe恰好入契成功 , 在對方門將出迎之際笠射入網 , CPAST 1-0 領先 . 至20分鐘 , CPAST左路由大蛇開出角球 , Joe於前柱力壓對手但雙雙漏頂 , 皮球彈地後落到亞清面前 , 亞清起腳施射但偏離目標飛向龍門右邊小禁區角再出4,5碼 , 大蛇開完角球後見機即衝前起右腳勁射 , 可惜只中網則無功而還 . 半場CPAST一球領先 .

下半場羅友稍為主攻 , CPAST退守打反擊 . 在亞邦帶領下 , 一條防線固若金湯 , 羅友攻勢只隔靴搔癢 , 未有正式威脅何B射門 . 至10分鐘 , CPAST反擊 , Joe中圈斜傅右路空位亞宏 , 亞宏引球推進 , 對方守衛且戰且退 , 亞宏猶疑下未能好好把握時間及機會出波 , 反而誤傳中路讓對方立刻反攻 , 對方長傅至左路大禁區邊 , 羅友9號趙永豪得球快推入禁區 , 亞邦包至苦纏對手 , 對方9號趙永豪大步再推落底線 , 亞邦落地產截 , 對方9號趙永豪即時施展9.8分美妙插水 , 加上「湯」豬嚎叫 , 球証深受其技術(演技)及對足球之熱誠與執著(為求目的 , 不撰手段)所感動 , 判罰極刑 . 對方9號趙永豪自己操刀 , 一針見血 , 羅友追平 1-1 . CPAST被追和後明顯壓上 , 而羅友則稍為退後 , 形勢互換 . 而尾段亞棟2次機會都未能轉為入球有點可惜 . 第1球Ricky右路傳中 , 亞文力壓對方守衛雙雙漏頂 , 皮球落在禁區邊的亞棟面前 , 亞棟見龍門稍出即笠射 , 可惜皮球緊高出1個球位 . 另1次則於完場前1分鐘 , Ricky右路罰球開出 , 對方解圍不遠 , 亞文左路截得連過3關至底線出波 , Van仔遠柱頂中 , 正好落在亞棟面前 , 亞棟此時於小禁區邊快射 , 對方門將已失位 , 但被另一後衛救空門擋出 , 亞棟追前再補一腳 , 可惜唔中目標 . 最終CPAST被迫和 1-1.

領隊大蛇賽後這樣評論這場比賽 : 「這場比賽雙方都非常認真 , 同時亦發揮高水準 , 大家都積極進攻與防守 , 比賽就如一般大戰一樣 , 緊張但不精彩 .

「如果我以一個球迷身份 , 客觀睇呢場波o既戰果 , 雙方打成平手都算合理 , 至於那球12碼 ... 球賽往往離不開這類具爭議性o既球証判決問題 , 球証要於一剎那間作出判決 , 佢當時認為有犯規就吹 , 其實問題不大 , 只要佢o既執法全場一致 , 冇偏幫其中一隊 , 就算因為一兩次走漏眼錯判都可以接受 , 而今場球証李桂雄o既執法整體尚可做到以上一點 .

「但如果我以CPAST領隊o既角度睇 , 呢場波贏唔到真係好可惜 . 首先因對方9號趙永豪禁區內插水搏得球証誤判12碼而被追平非常不值 , 而完場前1分鐘亞棟門前錯失黃金機會更加可惜 . 其實羅友今場波亦踢得相當出色 , 個別球員個人技術及突破能力都好強 , 好似中場13號嘉儒 , 左路進攻球員18號Lady , 及右路9號趙永豪都在前線發揮出色 , 為我隊後防帶來好大壓力 , 幸好我方後防亦有水準演出 , 令對手少有真正威脅門神何B之射門 , 全場只有早段九仔救空門一次 , 以及下半場中段另一次禁區外施射(但高出門眉4至5個波位)稍具威脅 .

「對於那球插水12碼 , 我質疑球証o既判決 . 當時由於我方進攻失誤 , 被對方以長傅快速反擊 , 我正回防至3閘線 , 而球証比我還要後 , 大約在中圈前少少 , 所以我o地觀察案發現場o既角度係一樣 . 當時對方9號趙永豪大步推落底線(由外向內斜線微向龍門) , 亞邦力追並落地直產向個波 , 就在此時對方9號趙永豪立即跌倒並慘叫一聲 , 由我之角度望去根本完全冇可能見到佢2個有冇接觸與碰撞(只能事後與亞邦本人求証) , 因為亞邦o既身體已擋o晒視線 , 而球証o既位置比我距離案發地點更遠 , 在同一角度下 , 我敢肯定佢睇唔到有冇犯規而只憑直覺判罰 , 情況就跟世界盃西班牙對愛爾蘭 , 愛爾蘭o既杜夫騙得12碼一樣 , 如果球証比我近及角度好而視線冇受阻 , 我會容易o的接受佢o既判決 , 但奈何球証判決又豈能推翻呢 !!

「對方9號趙永豪其實技術不俗 , 速度亦高 , 不過卻好鍾意插水 . 比賽尾段另一球 , 對方進攻斜傳右路大禁區角 , 9號趙永豪入契 , 我快佢一個身位包到並大步推向角球旗方向 , 佢立即苦追並從後追至以左肩撞向我右肩意圖搶身位 , 其實這o下搶身位在足球比賽普通之極 , 而且也是佢主動撞向我 , 我亦有足夠經驗知道佢會這樣做 , 所以未有失位 , 但我完全估唔到佢此時立即跌低 , 又是一聲慘叫 , 同時腳下產向皮球 , 但只能產出底線 , 不過今次球証冇受騙(因為太明顯) , 但我真係對佢呢種行徑好反感甚至反胃 , 佢o既企圖明顯不過就係插水 ! 如果佢係我o既隊員 , 我一定會要佢改變呢種壞習慣 (就好似利密浦侯利亞要迪奧夫改一樣) , 否則點可以容忍自己o既隊友做o的咁o既事 , 影衰o晒成隊波 ! 「不過羅友整體表現的確好好 , 成為今年奪標大熱非常合理 . 但我方現時信心與狀態亦保持相當好 , 12月將連場硬仗 , 希望球隊繼續高水準演出 , 以公平 , 公正及積極之踢法向冠軍目標進發 ! 」

撰文 : 大蛇

[Top]


Match : CPAST 3:0 諾森(HLC-Rd1)
日期 : 2002-11-23(六)
開波 : 6:00pm
球場 : 馬鞍山運動場
球衣 : 紅


CPAST 3 (大蛇 - 上半場20分鐘; Andy - 上半場25分鐘 ; 亞文 - 下半場20分鐘) 諾森 0;


上半場陣容 : 守門員 :何B ; 後防 : Raymond, 亞邦 , 亞清 , 九仔 ; 中場 : Van仔 , 亞宏 , 大蛇 , 亞麥 ; 前鋒 : Andy , Joe.
下半場調動 : Alex入替Raymond 任左中場 , 亞麥改任右閘 ; 亞邦九仔互換位置 ; Tommy入替亞宏任防守中場 ; 亞文入替Andy任前鋒 .
及後亞棟入替Van 仔任左中 , Alex移後左閘 , 亞邦改任右閘 , 亞麥移上右中 ; 亞華入替Joe任前鋒 . 大頭生入替大蛇任中堅 ; 亞文移後中場 , 亞清上前任前鋒 .


盃賽第一場賽事面對實力有一段距離之乙組隊伍諾森, CPAST並未有輕敵 . 甫開賽即控制戰局展開攻防戰 , 諾森非常被動全軍退守半場 . CPAST左右中場亞麥Van仔表現活躍 , 特別Van仔多次沉底出波制造威脅 . 戰至20分鐘 , CPAST終於打破缺口 . 當時Van仔於右路進攻 , 見大禁區角內之大蛇無人看管即橫傳大蛇 , 大蛇控定後在對方守衛未到之前勁射近柱地波 , 對方門將雖然撲到但仍未能阻止皮球之去勢而入網 , CPAST 1-0 領先 . 及後諾森得到一次射門機會 , 當時客串中堅之亞清在後場一時大意被對方前偷得其腳下球並推至禁區角笠射 , 不過何B並未有失位 , 輕易將球拓出底線 . 到25分鐘 , 亞麥於左路發難 , 地波橫傳禁區內之Andy , Andy不慌不忙 , 右腳鞋底磋後再推橫避開對手起腳揪射網頂 . 完半場, CPAST 2-0 領先.

下半場諾森改變踢法 , 大軍壓上 , 看似拉成均勢 , 但未能正式威脅CPAST門神何B . 相反CPAST之反擊非常有效率 , 若非亞文忘帶射門鞋 , 比數早已拉得更開 . 終於到下半場20分鐘 , Alex左路疊瓦式助攻接應長傳 , 直推至底線出波 , 亞文小禁區接應射入3-0. 及後亞清2次右路個人突破 , 於右路底線傳中 , 1次大頭生狂奔50碼於12碼點撞射斜出 ; 另1次亞華近柱接應施射 , 但角度太窄被對方門將封位救出 . 全場完 , CPAST 3-0 淨勝諾森 , 進入盃賽第二圈 , 對手為乙組SFC .

撰文 : 大蛇

[Top]


Match : CPAST 1:0 DIY(HLL-wk8)
日期 : 2002-11-8(五)
開波 : 9:00pm
球場 : 天水圍運動場
球衣 : 紅


CPAST 1 (Andy - 上半場10分鐘) DIY 0;

上半場陣容 : 守門員:何B; 後防: Ricky , 亞邦, Nelson, 亞麥; 中場: 亞清, 亞蘇, 大蛇, Alex; 前鋒: Andy, 亞文.
下半場調動 : RaymondRicky任右閘; 九仔亞邦任清道夫; 大頭生Nelson任中堅; Alex移後代亞麥任左閘; 左中場由亞宏出任; Tommy亞蘇任防守中場; Joe亞華入替Andy亞文任前鋒.


由於賽前落後榜首羅師3分(少踢1場), CPAST今場全力出擊爭勝. 上半場擺出全攻型陣容, 以高佬Andy拍腳法細膩的亞文攻堅, 利用左右兩翼Alex亞清側擊, 希望盡早打開紀錄.

開賽初段雙方力爭中場, CPAST一眾隊員顯示出強大的爭勝心及較佳的技術, 在對方緊迫踢法及硬朗攔截下仍然能夠漸漸控制比賽. 戰至10分鐘, Ricky截得對方傳球後立即交前於右中場之亞清, 對方中場快速上前攔截, 亞清立即大腳傳球入禁區, 雖然傅球太大力看似冇威脅, 但Andy仍然盡佢前鋒之責衝前威脅對方門將, 亦因此對方門將與後防晤會出錯, Andy承亂射入, CPAST 1:0 領先. 開紀錄後, CPAST繼續控制戰局, 並多番於左路發動攻勢, 令對方多次犯規而取得罰球. 20分鐘, Alex左路開出罰球, 對方守衛在Andy力壓下解圍不遠, 亞蘇禁區角截得皮球推橫勁射, 眼看皮球直飛龍門左上角, 但被對方門將飛身救出. 另一球差不多一樣的機會, 可惜Ricky射高. 而大蛇亦嘗試中路個人突破, 於禁區頂扣過對方守衛推入禁區, 可惜被另外兩名守衛左右夾擊下只能快腳篤射, 皮球被門將輕易沒收. CPAST半場領先1:0.

下半場DIY明顯縮後, 而CPAST由大量新力軍入替, 體力充沛, 頭20分鐘機乎全部在DIY後半場進行. CPAST亦多次取得入球機會, 可惜Joe之射門不中, 亞華在禁區內背對龍門鉤射又中眉, 亞清禁區角勁揪入中路大蛇飛身亦來遲半步. 而最精彩一球由亞華第一時間彈傅Joe, Joe突破對方防線入禁區掃把腳逗射, 可惜又被對方門將快步出迎救出. 及後DIY開始壓上, 雙方拉成均勢, 而DIY最有機會一次來自右路罰球, DIY後上球員於十二碼點在Raymond力壓下射高. 最終CPAST維持上半場領先優勢以1:0再次擊敗DIY, 並以6戰5膀1和得16分, 暫時以較差得失球排第二.

賽後CPAST領隊大蛇表示 : 「今場比賽極之體力代, 比賽速度好快, 但雙方球員都好有球味, 我o地能把握一次機會全取3分亦算合理. 我o地能連勝5場顯示我o地已漸入佳境, 而且亦連續4場冇失波, 雖然仍然有好多地方要改善, 好似下半場中後段應該加強控球, 將節奏減慢讓球隊回氣. 不過球隊現時信心十足, 下場盃賽對乙組榜尾諾森, 相信可以順利過關, 並於12月6日聯賽榜首大戰中擊敗羅師, 正式登上榜首.」

撰文 : 大蛇

[Top]


Match : E-Tai 0:3 CPAST (HLL-wk7)
Date : 2002-11-03(Sun)
Kick-off : 1:30pm
Venue : Kowloon Tsai Park #2
Team Shirt : Red


CPAST 3 (Joe - two goals in first half, Pui - one goal in second half) E-Tai 0;
Attendance : about 10 including Nelson's son, Wah's son, Pui's baby girl and the Frankie family including his two daughters.

CPAST's starting XI : Goalkeeper:Ho B; defenders: Ricky, Dai Tou Sang, Kou Chai, Mak; midfielders: Van, Ching, Pui, Alex; forwards: Joe, Wang.
Substitution made: Wah and Nelson for Joe and Wang, Tommy for Ching and Raymond for Van (Ricky played right midfield in second half).


It's our fourth straight win which shot us to third in the league standings behind NCE and Kowloon Cricket Club. Spirit among CPAST was high yesterday knowing that we had big chances of beating bottom-of-the-table E-Tai. CPAST duly took the lead in the first half as the "CPAST Twins" of Joe and Wang worked well up front. Joe headed home a Pui's corner to give CPAST the lead and added a 2-0 cushion with a 20-something-yard shot that deceived both E-Tai goalkeeper and CPAST teammates before heading for the changing room (Oh, there is no changing room in Kowloon Chai, so there was no locker room quarrel like premiership players). CPAST weren't given any serious threat from E-Tai in the second half and they were determined to come off with a big-margin victory. Mid-way through the second half, Pui received a through ball from Wah before beating the goalkeeper on his solo run, making it 3-0.

Reporter : Ching

[Top]


Match : Fortress 0 : 1 CPAST (HLL-wk11)
Date : 2002-10-27(Sun)
Kick-off : 1:30pm
Venue : Happy Valley #2
Team Shirt : Red


Even we won the match finally, it was not an easy match as expected. We got totally 19 players attending for the match. However, most of them arrived just before kick-off. It's meaningless to a manager that he must put the first comers for the first 11 players but not making the best combination for both halves like the previous match against GreenFuture.

About the match, although we got better possession, we hardly made a good chance to score. At about 27 min, Ah Ching had a great chance that he made a lovely lobbing over the head of the goalie, however, it hit the bar and Ah Wang can't finish the rebounce that his shoot was over the bar.

In the second half, we made 8 changes, but not much was improved. Fortress had few chances to shoot inside the box while all are stopped by Ho B. Then at about 20 min, Andy intentionally let the ball passing him and then a sudden turn and with a relatively high speed (comparing to the defender) going down the line on the left. He found BigSnake inside the box and he curled the ball to the middle with his left foot. However, BigSnake can't reach the ball by only one step distance. BigSnake then followed the ball to the right and he made a lovely cross over Fortress goalie who stood in the front post while Ah Wah did the easiest job to bounce the ball into the nest by his ... head, or chest, or both ... to make it 1-0. There were 2 more chances for us. One was Van receiving Ah Man's pass and he was un-marked inside the box on the right. However, his shoot was too wide even it seemed to be powerful. Another one was Ah Man's solo that he dribbled to pass through all the defenders but his shoot was powerless and saved by the goalie. And then the final whistle, CPAST 1, Fortress 0.

Reporter : BigSnake

[Top]


Match : CPAST 2 : 0 GreenFuture (HLL Wk-6)
Date : 2002-10-20(Sun)
Kick-off : 19:30
Venue : Sheung Shui Kwu Tung
Team Shirt : Red


CPAST was in high spirit during the whole match and we won the match easily by 2:0 while it should be 4:0 !! We started well with 9 Chai in center back while Tommy showed he is the best defending center midfield. By hard working and excellent passing in the front through Ah Man, Ah Tung, Ah Wah, Ah So and Even Van, we controlled the match after it started few minutes. Ah Man scored the first goal through a free kick from midfield onright hand side. Nothing special for this goal but it showed that Ah Man is good in taking the chance. For the second, it's excellent !!! After few "triangle-passing" on the right-midfield by Ricky, Van and Ah So, Van down the line and pass the ball back to Ah Man who is in front of the penalty area box line, and he was so cool to finish it. CPAST was 2:0 up.

In the second half, GreenFuture tried to play more directly and they moved forward and using long-pass to put the ball from their back to our back. We defended so well and Ho B stopped GreenFuture's striker to score in only 8 yards distance. We tried to make more score by counter attack while Ah Man's powerful shooting was saved by GreenFuture's defender even the ball has passed throught the goalie. Ah Man wasted another chance at the very last minute while BigSnake was in an extremely good position with no defenders on him within 15 yards; However, Ah Man wanted to complete his hat-trick and he tried to shoot directly but his shoot was not in target!! So finally, CPAST 2 GreenFuture 0.

Reporter : BigSnake

[Top]


Match : DIY 1 : 2 CPAST (HLL-wk19)
Date : 2002-10-14 (Mon)
Kick-off: 13:30
Venue : Community Sport
Team Shirt : Red


It was good that enough players (11) arrived on time and we did warm-up together while it had never been done before. Maybe that's why we started very well and took controll of the match. Ho B and Joe on both side did very good as wing that they always could break through and down the line to make a cross. Ah Wah and Andy at front made many troubles to the DIY's defenders. Ricky, Ah Ching, Alex and Tommy denied all the attacks from DIY and kept the possession well for central midfield BigSnake and Ah Man to organise offensing. After 10 minutes, CPAST got 1:0 up that Ho B down the line on left and he found Ah Wah at middle inside the box. Ho B made a cross just in front of Ah Wah, however, he missed to head it in under great pressure of DIY's defender. The ball dropped in front of BigSnake who followed behind Ah Wah. By using his private left foot, he made a score by a volley shoot. 5 minutes later, Andy Ferguson showing he's still the controller in the air to head in a good cross from Joe on the right. Few minutes later, Joe made another cross again, this time Ah Man failed to put the ball into the net in just 6 yards distance. Before half time, DIY got it back that Ah Bong, the part-time goalie, failed to stop the powerless shoot from DIY's striker. Half time, CPAST 2, DIY 1.

In the second half, it's totally another story. DIY played very aggressive and showed that they could equalise. Under the hot weather and great pressure from DIY, CPAST hardly made good possession. DIY made 2 good chances to score, however, our professional goalie Ho B refused them. One was that Ho B cleared the ball just before DIY's striker who broke the offside trap of CPAST. Another one was a marvellous save that DIY's midfielder tried a powerful shoot just outside the penalty box. While everyone thought that the ball would go into the net at the bottom right hand corner of Ho B, he said no and push it away by a diving save. CPAST also had a chance to make it 3:1 at the very last minute while BigSnake's shoot off the post and finally CPAST won the match by 2:1.

Reporter : BigSnake

[Top]


Match : CPAST 2 : 2 Ching Fung (HLL-wk3)
Date : 2002-9-29(Sun)
Kick-off : 13:30
Venue : Sheung Shui North District Stadium
Team Shirt : Red


Finally, we could start our first league match this season while it should be 1 month ago that 4 matches cancelled due to bad weather and other reasons. However, it's really worst to CPAST that Ah Ki was seriously injuried that he broke his million-price left foot that it should take at least 3 months recovery time; And our No.1 goalie Boaz also hurt his waist while he would take for at least 1 month rest.

About the match, we started badly that most of the players seemed not waking up especially in the center back. Not under very much pressure from the opponents, we lost the first goal at about 5 minutes time that Ching Fung striker easily broke our off-side trap and scored. CPAST 0:1 down. Few minutes later, Ricky made another mistake that he failed to clear a ball and let Ching Fung striker took another one-on-one chance to make it 2:0.

After losing 2 goals, CPAST woke up and made it 1:2 with a beautiful setup on the right hand side that BigSnake passed the ball down the line for Ah Ching to make a good cross to the center and our new "bomber" Kenneth finished it with a easy header. It's then CPAST totally controlled the game and the match was played at Ching Fung's side in 90% of time. Before half time, Joe missed a great chance that he didn't believe that he was un-marked just outside the penalty box and he made a wide shoot in hurry. Half time, CPAST 1, Ching Fung 2.

In the second half, CPAST still controlled the game and Tommy played well as left wing. The post saved Ching Fung from Tommy's shoot. Then at about 25 minute, CPAST got a corner on the left. Ching Fung clear the cross but the ball stopped by Ah Man and shot with his right foot. It seemed to be goal but it was bounced back to Ah Man again and this time he used his left foot to shoot and the goalie of Ching Fung could only looking at the ball to thrust into the net on his top left hand corner ... 2:2. CPAST kept on pressing on Ching Fung that we really want to be the finally winner of the match. Then at about 30 minute, an absolutely great chance was setup for BigSnake by Ah Ching that he went down the line inside the box on the right side and passed the ball back to BigSnake while BigSnake was totally free at the corner of the six-yard box. He shot with his powerful right foot, but the ball was just one-ball-distance higher than the bar and flying to the sky. At the rest of the match, Ching Fung stopped CPAST to score again using their body as "bloody wall", and finally CPAST 2, Ching Fung 2.

Reporter : BigSnake

[Top]



City Polytechnic Alumni Soccer Team 城工舊生足球隊 since 1993